Mercedes-AMG-ის ორ-ლიტრინი ძრავის 600 ცხენამდე ფორსირება არის შესაძლებელი

Alternate Text

Alternate Text 169

გერმანული საამქროს, Renntech-ის მოტორისტები Mercedes-AMG A 45-ის მფლობელებს მათი ავტომობილის ძრავის სამ ვარიანტს შესთავაზებენ. ეს არის ტურბირებული ოთხიანი – M139. ძრავი სამი სხვადასხვა სიმძლავრით გახდება ხელმისაწვდომი - 475, 550 ან 600 ცხენის ძალით. ქარხნული სტანდარტული A 45 S როგორც ცნობილია, 421 ცხენის ძალას იძლევა.

ავტომობილების შეკვეთა 15 იანვრიდანაა შესაძლებელი. Renntech-ის პრეს-რელიზში ნათქვამია, რომ სანამ გერმანული კომპანია ტესტავს საბაზისო ვარიანტს 475 ცხენის ძალამდე, დამატებით 54 ცხენის ძალით სიმძლავრის გაზრდა მოხდება ჩიპ-ტიუნინგის საშუალებით. მარტის ბოლომდე კი სპეციალისტები ეცდებიან ამავე ძრავიდან 600 ცხენის ძლა 
მიიღონ, ამგვარი მოდიფიკაცია უკვე მნიშვნელოვან ცვლილებებს ითვალისწინებს თავად აგრეგატში.

Renntech-ი Mercedes-AMG A 45-ის მფლობელებს არა მხოლოდ ძრავის ტიუნინგს, არამედ დიზაინის სხვა საფირმო დეტალებსაც სთავაზობს, ესენია: სპეციალური შეფერილობის ბორბლები  Renntech VOSSEN და ძარას საფირმო გაფორმება.