ახალი Mercedes-Benz S-Class ოფიციალურად გვიჩვენეს

კომპანიამ Mercedes-Benz ოფიციალურად წარმოადგინა ახალი თაობის ფლაგმანი სედანი S-Class. W223 მოდელმა მიიღო სრულიად ახალი ტანი და ინტერიერი, სრულად მართვადი შასი და ელექტრონული სისტემების სრული კომპლექტი, რომლებიც თვალს ადევნებენ ჟესტებს, გამოხედვას და მძღოლის თავის ბრუნვას.

ავტომობილის სიგრძე 5179 მმ-ია(წინასთან შედარებით ის 54 მმ-ით გრძელია), სიგანე 1954 მმ-ია(+55 მმ-ით განიერი წინაზე), სიმაღლე კი 1503 მმ-ია(+10 მმ-ით მაღალი წინა თაობის მოდელზე), ხოლო სათვლე ბაზა შეადგენს 3106 მმ-ს რაც წინაზე 71 მმ-ით მეტია. მოდელის გრძელი ვარიანტი 76 მმ-ით გრძელია სტანდარტულზე და 34 მმ-ით გრძელი წინა 

თაობის მოდელზე. მისი სიგრძე შეადგენს  5255 მმ-ს. მისი სათვლე ბაზა 3216 მმ-ია.

ავტომობილის სალონში ვხედავთ 12,3 დიუიმიან ციფრულ მართვის პანელს სამგანზომილებიანი გამოსახულებითა და მულტიმედია სისტემის MBUX-ის მეორე თაობის ვერტიკალურ პლანშეტს. მას ესმის ხმოვანი ბრძანებები, თვალს ადევნებს ჟესტიკულაციას და მძღოლის მდგომარეობას. მაგალითად პანორამული სახურავის გასახსნელად საკმარისია ხელის უბრალოდ აქნევა, ხოლო თავის უკან ამოძრავებისას ელექტრონიკა უკანა მინაზე მზის დამცავ შტორებს ჩამოუშვებს.

სედანის აღჭურვილობაშია პროექციული დისპლეი დამატებითი რეალობით, 4D-აუდიოსისტემა Burmester 30 დინამიკით, ფრონტალური უსაფრთხოების ბალიშები უკანა მგზავრებისთვის, ჰიდროპნეუმოდაკიდების სისტემა E-Active Body Control, ჭკვიანი სავარძლები მეორე რიგში რომლის თვაის 

მისადები ბალიშებიც თბება, შუქდიოდის ფარები, რომლებსაც გზებზე სხვადასხვა ინფორმაციის პროექციერება შეუძლიათ, ასევე ავტომობილის დისტანციურად დაპარკინგების სისტემა.

თავდაპირველად S-Class ხელმისაწვდომი იქნება ხუთი სახის ძრავით: ორი ბენზინისა და სამი დიზელის, რომლებიც 286-დან 435 ცხენის ძალამდე სიმძლავრეს გამოსცემენ. მოგვიანებით გამოჩნდება რვაცილინდრიანი აგრეგატიც, ხოლო 2021 წლიდან ჰიბრიდული.

გერმანიაში ახალი S-Class-ის გაყიდვები სექტემბრის მეორე ნახევარში დაიწყება.

ავტორი: autobild.ge