კომპანიამ Nikola წარმოადგინა ელექტროპიკაპი

ელექტრომზიდავების მწარმოებელმა ამერიკულმა კომპანია Nikola Motors-მა წარმოადგინა პიკაპი Badger. ეს არის ჰიბრიდული სისტემის მქონე ელექტრომობილი, რომელიც, როგორც აკუმულატორებისგან, ასევე წყალბადის საწვავის ელემენტებიდან იკვებება. ის 4 დამოუკიდებელი ძრავითაა აღჭურვილი და ერთჯერადი დამუხტვით 966 კმ მანძილის დაფარვა შეუძლია.

ამ დროისთვის რედერებზე ნაჩვენები Nikola Badger რეალურად სექტემბერში იქნება წარმოდგენილი, ღონისძიებაზე Nikola World 2020. ამ პიკაპის ჰიბრიდული სისტემა 160 კვს სიმძლავრის აკუმულატორებისგან და 120 კვს სიმძლავრის წყალბადის ელემენტებისგან არის დაკომპლექტებული. მას, როგორც კომბინირებულად, ასევე სუფთა ელექტრორეჟიმში შეუძლია მუშაობა.

ავტომობილის პიკური მაჩვენებელი 919 ცხენის ძალაა, მუდმივი მაჩვენებელი კი – 461 ცხენის ძალა. ის 0-დან 100-მდე 3 წამში ჩქარდება, მხოლოდ ელექტროძრავით მას 483 კმ მანძილის დაფარვა შეუძლია, ხოლო წყლაბადიანად – 966-ის. გაცხადებულია, რომ მის ძალისმიერ ნაწილს ეფექტურად მუშაობა შეუძლია მინუს 20 გრადუს ყინვამდე. დატვირთვის გარეშე მას 50%-იანი აღმართის დაძლევა შეუძლია, ხოლო 3600 კგ ტვირთით – 30 პროცენტიანის. მას ასევე შეუძლია დენის კვების წყაროს ფუქნციის შესრულებაც 12 საათის განმავლობაში.

პიკაპი 5 მგზავრზეა გათვლილი, ის 5900 მმ სიგრძისაა. ავტომობილის მომავალ კონკურენტად დასახელებულია Tesla Cybertruck. ფასზე ჯერ არაფერი თქმულა.