გამოლურჯებული Lamborghini Urus მილიონამდე ეღირება

ატელიემ Mansory შეიმუშავა ტიუნინგ-კიტი Venatus მოდელისთვის Lamborghini Urus. პაკეტი მოიცავს სალონის სრულად გადასხვაფერებას, ექსტერიერში ნახშირბოჭკოვანი დამატებითი დეტალების გამოჩენას და ფორსირებულ ძრავს. ამ შემთხვევაში დომინანტი ფერია ლურჯი, ყვითელი აქცენტით.

ამ Lamborghini Urus-ის ინტერიერში Mansory-იმ იგივე ფერი გამოიყენა, რაც ექსტერიერში. ეს არის ელექტრიკი ლურჯი, რომელიც იატაკიდან ჭერის ჩათვლით, ყველგანაა, სავარძლებზეც, კარებზეც და წინა პანელზეც.  მას კონტრასტს უქმნის ლაზურიტის ლიმონისფერი ყვითელი ლოგოები ატელიესგან და იგივე ფერი სავარძლებისა და სალონის კანტებზე. ჭერზე კი გამოსახულია რომბისებრი თარგი თეთრი მინათებით და ვარსკვლავებიანი ცის ეფექტით.

ექსტერიერში გაფართოებულია ბორბლების თაღები, სპეცბამპერები, ორიგინალური გვერდითა ჩანართები, ახალი კაპოტი და უკანა ანტიფრთა, რთული ფორმის. ყველა ეს ელემენტი დამუშავებულია ნახშირბოჭკოვანი მასალით. აქვეა რაკეტისებრი გამოსაბოლქვი სისტემაც.

ყველა დეტალი აგრესიულ სტილშია გადაწყვეტილი, ატელიე მსურველს ორი ტიპის ბორბლების კომპლექტს სთავაზობს – 10 ან 7 სპიციანებს. ფოტოსესიისთვის ორივე ბორბალი სახეზეა.

გარდა ვიზუალური მხარისა, ატელიემ Mansory ასევე გაზარდა ისედაც მძლავრი მოდელის წარმადობა, 4,0 ლიტრიანი ბიტურბორვიანი 650 ცხენიდან ერთბაშად 810 ცხენამდე გაიზარდა, ხოლო მაბრუნი მომენტი – 850-დან 1000-მდე. ის ამ პირობებში 0-დან 100-მდე 3,3 წამში ჩქარდება და მაქსიმალურ სიჩქარეს – 320კმ/სთ-ს აღწევს.

კომპლექტი Venatus იაფი ნამდვილად არ ღირს, თუმცა Mansory ფასს ჯერ არ ამბობს იმის გათვალისწინებით, რომ Rolls-Royce Cullinan ტიუნიგპაკეტით  Mansory Billionair 880 ათასი ღირდა; არც აქ უნდა ველოდოთ ამაზე ნაკლებს.