Toyota ორ მოდელს შექმნის Mazda-თან ერთად

იაპონური საავტომობილო კომპანია Toyota კიდევ ერთხელ დაფიქრდა სხვა კომპანიასთან თანამშრომლობაზე, ერთ დროს საკულტო მოდელების აღსადგენად. ამჯერად არჩევანი კეთდება თანამემამულე  Mazda-ზე, რომელიც დაეხმარება კომპანიას, შექმნას უკანა ამძრაობის პლატფორმა მოდელების – Mark X და Crown-ის მემკვიდრეების შესაქმნელად.

ამ ორ კომპანიას შორის თანამშრომლობა არახალია, თუმცა ამჯერად საუბარია ნამდვილად საერთო მუშაობაზე და არა ემბლემების შეცვლაზე, როგორც ეს აქამდე მომხდარა - მაგალითად, სწორედ ემბლემის ცვლილებით დაიბადა Toyota Yaris, რომელიც ერთი ერთში არის Mazda2-ის კოპირება.

როგორც იაპონური გამოცემა BestCarWeb წერს, Mazda აპირებს არა მხოლოდ უკანაამძრავიანი პლატფორმის შექმნას, 

არამედ ძრავებისაც. გამოცემის წყაროების ცნობით, საუბარია როგორც ბენზინის, ასევე დიზელის ძრავებზე.

სედანი  Mark X ბაზარზე ნახევარ საუკუნეზე მეტხანს დარჩა -  1968 – 2019წწ. თავიდან ის იყიდებოდა როგორც Mark II — სწორედ ეს ავტომობილი გახდა საკულტო ფანებს შორის და მან მოდელის სახელი ლამის ცალკე ბრენდად აქცია კომპანიისთვის. არსებობის მანძიზლე მოდელმა 11 თაობა შეიცვალა და ჯამში მისი 6,5 მილიონი ეგზემპლარია გაყიდული.

Toyota Crown —კიდევ ერთი დღეგრძელი მოდელია ბაზარზე, ის 1955 წლიდან ამ დრომდე გამოდის. ამ ლუქსკლასის ბიზნეს სედანს 15 თაობა აქვს შეცვლილი, მისი ბოლო თაობა 2018 წელს 

წარმოადგინეს.