პირველი თურქული ელექტრომობილი TOGG მზადაა

თურქეთმა ეროვნული წარმოების პირველი ელექტრომობილი - TOGG წარადგინა. ღონისძიებაზე ნაჩვენები იყო ორი ავტომობილი - ქროსოვერი და სედანი.. ავტომობილების წარდგენის ცერემონიაზე თურქეთის პრეზიდენტმა თქვა, რომ ქვეყნის მიზანი არის არა მხოლოდ შიდა ბაზრის ათვისება, არამედ ხელისუფლებას სურს, ახალი ელექტრომობილი გლობალური ბრენდი გახდეს და ეს ევროპიდან დაიწყოს.

თურქეთის ხელისუფლება წლიურად 175 000 ელექტრომობილის წარმოებას გეგმავს, პროექტის ბიუჯეტი კი, რომელიც 13 წელიწადზეა გათვლილი, 22 მილიარდი ლირაა (3.7 მილიარდი დოლარი). თურქეთის პრეზიდენტის, რეჯეფ თაიფ ერდოღანის და ქვეყნის მმართველი პარტიის გრძელვადიანი ამოცანაა, რომ თურქეთის, როგორც მზარდი ეკონომიკის ქვეყნის დემონსტრირება მოხდეს.

ავტომობილის სერიული წარმოება 2022 წლიდან დაიწყება. და ეს იქნება პირველი  'Made in Turkey' ელექტრომობილი. კომპანიას გეგმაში აქვს სულ ცოტა, ხუთი მოდელის წარმოება. როგორც ცნობილია, თურქეთში საკუთარი საწარმოები აქვთ ისეთ გლობალურ ბრენდებს, როგორებიცაა: Ford, Fiat Chrysler, Renault, Toyota და Hyundai.
.
ავტორი: autobild.ge