Renault-მა განახლებული Megane წარმოადგინა

კომპანიამ Renault განაახლა Megane-ის ოჯახი. მოდელის ყველაზე მნიშვნელოვან ცვლილებად იქცა პლაგინჰიბრიდის გამოჩენა Megane E-Tech და R.S. Line-ის ახალი ვერსია, რომელიც ჩაანაცვლებს GT Line-ს. ასევე სიახლეა სალონში 9,3 დიუიმიანი დისპლეი.

ვიზუალურად განახლებული Renault Megane შეიძლება ამოიცნოთ სრულად შუქდიოდის ოპტიკით Pure Vision, რომელიც უკვე საბაზისო ვარიანტშია ხელმისაწვდომი. განახლდა წინა პამბერებიც, ფრთებიც და ახალი დიზაინის ბორბლებიც, ასევე უმნიშვნელო კორექცია განიცადა თავად ფარებმა. სალონში მეტი სიახლე იგრძნობა: გარდა დიდი ზომის ეკრანისა, აქ შეიცვალა მართვის ბლოკიდან მართვადი კლიმატკონტროლი, მედიასისტემის დისპლეი 7-ის ნაცვლად 9,3 დიუიმიანი და პირველად 10,25 დიუიმიანი ციფრული სამუშაო დაფა.

Renault Megane-ის ძრავების გამა შედგება ბენიზნის  1.0 TCe (120 ცხძ) და 1.3 TCe (100, 115, 140 და 160 ცხძ). პირველი ორი ძრავი დაწყვილებულია ექვსიან ავტომატთან, ხოლო 14–ძალიანი ძრავი როგორც ავტომატური, ასევე მექანიკური გადაცემათა კოლოფებითაა წარმოდგენილი. 160-ძალიანი მხოლოდ შვიდსაფეხურიან რობოტს უწყვილდება ტრანსმისიით EDC. ამას გარდა, გამაშია დიზელის 1.5 BlueHDi 95 და 115 სიმძლავრით, ასევე – ჰირბიდული E-Tech.

ჰიბრიდი აღჭურვილია 1,6 ლიტრიანი ატმოსფერული ძრავით, რომელსაც ავსებს ორი ელექტროძრავი, მრავალრეჟიმიანი ტრანსმისია მოჭიდების ქუროს გარეშე და 9,8 კვს სიმძლავრის ელემენტი. მისი სიმძლავრე 160 ცხენის ძალას აღწევს. მხოლოდ ელექტროძრავით მას 50 კმ მანძილის დაფარვა შეუძლია მაქსიმუმ 135 კმ/სთ სიჩქარით.

ახალი მოდელების გაყიდვები ევროპაში ზაფხულში დაიწყება.