8მიუხედავად ავტომობილის კომუფლიაჟიანი ფოტოებისა, მაინც ჩანს, რომ გარეგნულად ის მნიშვნელოვან ცვლილებებს არ განიცდის, თუმცა შეიცვლება ფარები და ბამპერები, რომლებიც უფრო წააგავს ახალი თაობის CLS და CLA მოდელებისას. ძირითადი ცვლილებები აქ მაინც უფრო ტექნიკურ ნაწილზე მოვა.
სისტემა Active Distance Assist რესტაილინგის შემდეგ ისწავლის „საცობების დანახვას“ და სიჩქარის შენელებას მანამდე, ვიდრე ამას მძღოლი მოინდომებს. ფუქნცია Active Brake Assist კი თავად დაამუხრუჭებს დაჯახების საფრთხის დანახვის
შემთხვევაში. სრულყოფა ხდება ასევე სხვადასხვა სისტემებში, ამავდროულად, ავტომობილს ემატება წრიულად ხედვის კამერები.
სალონში შევხვდებით ახალ საჭეს სენსროული მართვის ღილაკებით, ორ 10,25-იან ეკრანს მულტიმედია სისტემით MBUX და ხმოვანი მართვითა და დამატებითი რეალობის ნავიგაციით, რომელიც საბაზისო კომპლექტაციაში დაინერგება.
რაც შეეხება ძრავების გამას, აქ სერიოზული ცვლილებები იგეგმება. ავტომობილს ერთდროულად შვიდი ჰიბრიდული მოდიფიკაცია გაუჩნდება, როგორც ბენზინის, ასევე დიზელის ძრავებში, ამასთან, ოთხი მოდელი იქნება სრული ამძრაობით.
კომპანიაში ჯერ არ აკონკრეტებენ სიახლის პრეზენტაციის თარიღს, თუმცა ცნობილია, რომ ავტომობილების გაყიდვები ზაფხულში უნდა დაიწყოს.
