გადაწყვეტილია, Mercedes-Benz X-Class-ის წარმოება მაისში შეწყდება

Mercedes-Benz-მა დაადასტურა ინფორმაცია იმის შესახებ, რომ შეწყვეტს მის სამოდელო რიგში ერთადერთი პიკაპის X-Class-ის წარმოებას უკვე მაისში. ამის მთავარი მიზეზი კი მოთხოვნის სიმცირეა.

ავტომობილი ბაზარზე უკვე ორი წელია არის, თუმცა მისი წარმოებიდან მოხსნის შესახებ ინფორმაცია ჯერ კიდევ 2019 წელს გავრცელდა.

Mercedes-ის განცახდებით:  “უკვე გადაწყვეტილია, რომ ამ ახალგაზრდა მოდელის წარმოება შეწყდება 2020 წლის მაისიდან მიუხედავად იმისა, რომ ის იყო ნიშური პროდუქტი კომპანიისთვის და გამიზნული ავსტრალიისა და სამხრეთ აფრიკის ბაზრებისთვის“.

კომპანიამ ასევე გადაიფიქრა მისი წარმოების დაწყება არგენტინაში, თუმცა ლათინური ამერიკის ბაზარზე მისი მაღალი ფასის გამო მან მომხმარებლები ვერ იპოვა.

როგორც ცნობილია X-Class პალტფორმას იზირებს Nissan Navara-სთან და მისი წარმოება ბარსელონას ქარხანაში მიმდინარეობდა. აღსანიშნავია რომ ის არასოდეს შეუთავაზებიათ პიკაპების ტრადიციული უმსხვილესი ამერიკის ბაზრისთვის.

2019 წელს კომპანიამ X-Class-ის 15,300 ეგზემპალრი გაყიდა, მაშინ როცა იმავე პლატფორმის Nissan Navaras-ს 66,000 ერთეულია გაყიდული მხოლოდ ნახევარი წლის განმავლობაში.