Mercedes-Benz-მა GLE Coupe-ის ყველაზე სწრაფი ვერსია წარმოადგინა

ჟენევის საავტომობილო გამოფენის მიჯნაზე, Mercedes-Benz-მა GLE Coupe-ის ყველაზე მძლავრი ვარიანტი წარმოადგინა. ესაა Mercedes-AMG GLE 63 და GLE 63 S Coupe.

ტექნიკურად მოდელები იმეორებენ სტანდარტულტანიანი ანალოგიური სიმძლავრის მოდელის მონაცემებს, რომელიც სამი თვის წინ წარმოადგინეს. ავტომობილი აღჭურვილია „ბიტურბორვიანით“M177 V8 4.0, რომელსაც საწვავის ეკონომიაში ეხმარება ელექტროძრავი EQ Boost 22 ცხენის ძალით, რომელიც თავის მხრივ 48 ვოლტიანი სისტემიდან იკვებება. AMG GLE 63 Coupe-ს სიმძლავრე წინა თაობის მოდელისგან გაზრდილია 557-დან 571-მდე, ხოლო ტოპმოდიფიკაციაში – 585-დან 612-მდე.  ის 0-დან 100-მდე 4 წამში ჩქარდება, ხოლო  S ვარიანტი 

0,2 წამით უფრო სწრაფია. შედეგად კი, ავტომობილის ძალისმიერი მონაცემი იდენტურია მისი კონკურენტებისა:  Audi RS Q8, BMW X6 M Competition და Mercedes-AMG GLE 63 S Coupe , რომლებიც პირველ ასიანს 3,8 წამში ავითარებენ.

როგორც სხვა ყველა 63-ებმა, GLE 63 Coupe-მ მიიღო თორმეტდიაპაზონიანი ავტომატი AMG Speedshift, ჰიდროტრანსფორმატორით და სრული ამძრაობის სისტემით 4Matic+. აქვეა უამრავი ოპციური პაკეტი, რომელთა ნაწილი – სტანდარტულად, ნაწილი კი სპეცშეკვეთით შეგიძლიათ მიიღოთ.

გარეგნულად Mercedes-AMG GLE 63 Coupe-ს მარტივად გამოარჩევთ აგრესიული ბამპერებით, ტრაპეციული გამოსაბოლქვი სისტემით, ორიგინალური ბორბლებით 21 ან 22 დიამეტრის, დაბნელებული ოპტიკით და ოპციური წითელი სამუხრუჭე ხუნდებით.  სალონში დამატებულია სპორტული AMG-საჭე და გამორჩეული გრაფიკა სამუშაო დაფაზე.

ავტომობილის საჯარო პრემიერა ჟენევის ავტოშოუზე გაიმართება.