Mercedes-Benz S-Class-ის ჩინური კონკურენტი

ჩინეთში, ჩინეთის კომუნისტური პარტიისთვის ავტომობილების შექმნით ცნობილი კომპანიის, FAW-ის პრემიუმბრენდის, Hongqi-ს საფლაგმანო სედანის ოფიციალური პრემიერა გაიმართა.

სიახლე, სახელწოდებით H9 პოზიციონირებს, როგორც ყველაზე ძვირად ღირებული და მდიდრული სამოქალაქო ავტომობილი, ბრენდისგან Hongqi-ის ამიერიდან ფართო წრეებისთვისაც გახდება ხელმისაწვდომი და არა მხოლოდ ჩინეთის კომპარტიის მაღალჩინოსნებისთვის. ადგილობრივ ბაზარზე ავტომობილი კონკურენციას გაუწევს Mercedes-Benz S-Class-ს..

ლუქსური Hongqi H9  უკანამძრავიან პლატფორმაზეა აწყობილი. მის ძრავების გამაში გათვალისწინებულია ორი აგრეგატი – 2,0 და 3,0 ლიტრიანი ძრავები, 252 და 272 ცხენის ძალით. ძრავი დაწყვილებულია რვასაფეხურიან რობოტთან.

გაგიკვირდებათ, მაგრამ H9 არ არის შექმნილი Rolls-Royce-ის ყოფილი სტილისტის, ჯაილს ტეილორის მიერ, რომელიც ამ ჩინურ კომპანიაში ადრე მუშაობდა, – არამედ ადგილობრივი ძალებით. თუმცა, როგორც ხედავთ, მას ბრიტანული ბრენდის დიდი გავლენა აქვს .

აღსანიშნავია, რომ კომპანიამ FAW გასულ წელს ჩინეთის მასშტაბით 100166 ავტომობილი გაყიდა, მას ცისქვეშეთში 271 ცენტრი აქვს. წელს კი კომპანია 200000 ავტომობილის გაყიდვას აპირებს. უკვე 2022 წელს  ამ ციფრს გააორმაგებს, 2025 წლისთვის კი 600000-ის გაყიდვას გეგმავს.