Ford Mustang Mach-E-ს პირველი პარტიის 90% გაყიდულია

ელექტროქროსოვერზე Mustang Mach-E კომპანიამ Ford 45 ათასი შეკვეთა მიიღო, რაც შეადგენს 90% დაგეგმილი წლიური წარმოების. იმისათვის, რომ დაჯავშნოთ ელექტრომობილი, საჭიროა დეპოზიტზე 500 დოლარის შეტანა.

როგორც გამოცემა Insideevs.com MachEClub-ის კლუბის წევრზე დაყდნობით წერს, მის შეკვეთას მიენიჭა კოდი 45,0XX, რაც ნიშნავს, რომ Mach-E-ს პირველი პარტია პრაქტიკულად გაყიდულია.

როგორც ცნობილია, თებერვლის ბოლოს კომპანიამ მექსიკის საწარმოში რამდენიმე პრესერიული მოდელი გამოუშვა, ხოლო მისი სრულფასოვანი წარმოება წელს, შემოდგომაზე დაიწყება, მიწოდება კი – მეოთხე კვარტალში.

ასევე საინტერესოა ერთი დეტალი – როგორც კომპანიაში აღნიშნავენ, შემკვეთების უმეტესობა – 38% უპირატესობას ანიჭებს Carbonized Grey შეფერილობას ქროსოვერს, 35% ირჩევს Grabber Blue Metallic-ს, ხოლო Rapid Red ფერზე შეკვეთების 27% მოდის.

ასევე შეკვეთებში ყველაზე პოპულარული მოდიფიკაციაა გაზრდილი მოცულობის მქონე ელემენტებიანი ვარიანტი, რომელზეც შეკვეთების 80% მოდის, ამასთან, 55% არჩევს სრულ ამძრაობას, ხოლო 30% – სპორტულ ვერსიას- GT.

Ford Mustang Mach-E აღჭურვილია 255 ძალიანი ან 332 ძალიანი ელექტროძრავებით, რომელთა სავალი მანძილის დაფარვის შესაძლებლობა ერთჯერადი დამუხტვით 340-დან 600 კმ-მდეა. ტოპ ვარიანტი 459 ძალით 0-დან 100-მდე 3,5 წამში ჩქარდება, მათზე ფასი 43 ათასი დოლარიდან იწყება, ხოლო First Edition სერიის ფასი 59,9 ათასი დოლარია.