Volkswagen ID.3-ს ტესტებზე 300 შეცდომა აღმოუჩინეს

კომპანია Volkswagen-ის სპეციალისტებმა, რომლებიც ტესტავდნენ ელექტრომობილს ID.3, დღეში 300-მდე შეცდომას აფიქსირებდნენ ავტომობილის პროგრამულ უზრუნველყოფაში. ამის გამო კომპანიამ შესაძლოა გადაავადოს გაყიდვების სტარტი კიდევ 1 წლით, 2021 წლის ზაფხულამდე.

როგორც გერმანული გამოცემა Manager Magazine წერს, პრობლემა მდგომარეობს იმაში, რომ კომპანია ძალიან დაჩქარებულად მუშაობდა პროგრამული უზრუნველყოფის საბაზისო არქიტექტურაზე. ამის გამო კი ბევრი ელემენტი პროგრამაში სინქრონულად ვერ მუშაობს და ვერ უზრუნველყოფს გამართულ მუშაობას.

ამ დროისთვის კი სპეციალისტები მუშაობენ ამ პრობლემების გადაჭრაზე, თუმცა წყაროების ცნობით, არის გაყიდვების დაწყების გადადების მაღალი ალბათობა, რომელიც ამ ზაფხულს იყო დაგეგმილი.

ამასთან, კომპანიისთვის ვადების გადაწევა შესაძლოა აღმოჩნდეს კრიტიკული, ვინაიდან ევროკავშირის ეკოლოგიის შესახებ კანონის თანახმად, ყოველმა ევროპელმა მწარმოებელმა უნდა დაბლა დასწიოს ემისიების საშუალო დონე, ისე, რომ გათვალისწინებული იქნება საერთო გაყიდვების მაჩვენებელი.