Koenigsegg Mission 500 დაამხობს Bugatti Chiron-ის რეკორდს

მიმდინარე წლის ჟენევის საავტომობილო შოუზე, რომელიც მარტში გაიმართება, შვედური ჰიპერქარების მწარმოებელი კომპანია Koenigsegg წარმოადგენს პროტოტიპს Mission 500. სახელწოდებით თუ ვიმსჯელებთ, ამ კუპეს წინაშე დგას ამბიციური ამოცანა  - დაამხოს Bugatti Chiron-ის რეკორდი და განავითაროს 500 კმ/სთ სიჩქარე.

TheSupercarBlog-ის ინფორმაციით, ახალი რეკორდსმენი ჰიპერქარი შეიქმნება  Jesko-ს ბაზაზე. არ არის გამორიცხული, ის გახდეს ერთ-ერთი მოდიფიკაცია ამ ორკარიანი კუპესი, სხვა დაკიდების სისტემითა და მოდერნიზებული აგრეგატით, ასევე გადაკალიბრიზილებული ავტომატით  Light Speed Transmission (LST). ეს ყველაფერი ჯერ მხოლოდ ვარაუდია, ზუსტი ინფორმაცია ავტომობილის პრეზენტაციის შემდეგ გვეცოდინება.

შეგახსენებთ, 2019 წლის სექტემებრში Bugatti Chiron-მა რეკორდი დაამყარა და 490 კმ/სთ სიჩქარე განავითარა, რაც გზებზე ლეგალური სერიული წარმოების ავტომობილისთვის უმაღლესი მაჩვენებელია. როგორც ჩანს, აღნიშნული თვალში გაეჩხირა Koenigsegg-ის ხელმძღვანელობას და მოემზადა ამ მაჩვენებლის გასაუმჯობესებლად. მისი მიზანია, დაძლიოს 500-იანი ნიშნული.