BMW M2 Coupe-ს სიმძლავრეს 420 ცხენამდე გაზრდიან
BMW–მ გაამხილა საკუთარი გეგმები სამოდელო გამაში მისი ყველაზე პატარა და მძლავრი კუპეს შესახებ. კომპანიის განცხადებით, ორიანის კუპე CLAR პლატფორმაზე აეწყობა, მას ექნება უკანა ამძრაობა, ექვსსაფეხურიანი მექანიკური გადაცემათა კოლოფი ან 8-საფეხურიანი ავტომატი, არჩევანის მიხედვით. xDrive ვერსია კი არ იგეგმება.
BMW-ს სამოდელო ხაზს სათავეში ჩაუდგება M2 ინდექსით G87, რომელიც აღიჭურვება სამლიტრიანი ტურბოძრავით, რომელსაც თავის მხრივ უკვე ვხედავთ მოდელებში: X3 M და X4 M, ასევე ვიხილავთ მომავალ M3 და M4 მოდელებში. რაც შეეხება მის სიმძლავრეს, ის 420 ცხენის ძალას გამოსცემს და წარმატებით შეუძლია კონკურენცია
გაუწიოს Mercedes-AMG А-კლასის მოდელებს. კუპე პირობას დებს, რომ 0-დან 100-მდე დაახლოებით 4 წამში აჩქარდება.
მისი გაყიდვები 2022 წლიდან დაიწყება, მოგვიანებით კი იგეგმება M2 Gran Coupe-ს წარმოდგენა.