ახალი Hyundai Tucson: რეოვლუცია დიზაინში

კომპანიამ Hyundai ოფიციალურად წარმოადგინა ახალი თაობის ქროსოვერი Tucson. ეს არის ამ მოდელის მეოთხე თაობა და ის მისი წინამორბედისგან რადიკალურად განსხვავდება. კომპანიამ ამ შემთხვევაში არა ევოლუციური გზით ცვლილება არჩია და მისი ექსტერიერი ახლა ნამდვილად რევოლუციურია. ამასთან ის რამდენიმე ჰიბრიდული ვარიანტითაც გამოვა, რაც ასევე არ იყო ხელმისაწვდომი.

ავტომობილი ევროპელ დილერებთან მომავალი წლიდან გამოჩნდება, მას ამ დროისთვის უნდა ველოდოთ ქართველ დილერებთანაც.

ქროსოვერი Tucson — არის ერთ-ერთი ყველაზე პოპულარული მოდელი ბრენდის სამოდელო ხაზში. ის ბაზარზე 2004 წელს გამოჩნდა და იმ დღიდან ამ დრომდე გაყიდულია 1,4 

მილიონ ეგზემპლარად. ახალი ქოროსვერი სამხრეთ კორეაში 15 სექტემებრს წარმოადგინეს ოფიციალურად, თუმცა ფოტო და ვიდეო ტიზერებს კომპანია პერიოდულად ბოლო 1 თვეა ავრცელებს, შესაბამისად მისი დიზაინის მიმართ წარმოდგენა აქამდეც გვქონდა შექმნილი.

ის ვიზუალურად იმეორებს 2019 წელს წარმოდგენილი Hyundai Vision T შოუ-ქარის ელემენტებს და აქვს კომპანიის ახალი დიზაინის ენა. მას ბუმერანგის ფორმის წინა ოპტიკა აქვს რომელიც გაერთიანებულია რადიატორის ცხაურასთან, ქვედა ნაწილში ახლო და შორი ხედვის ფარებს ვხედავთ. არც უკანა ოპტიკაა მარტივი რომელიც რამდენიმე ნაწილისგან შედგება.

ის გაბარიტებშიც გაიზარდა და ახლა მისი ზომები შეადგენს 4500, 1865 და 1650 მმ-ს 

სიგრძეში, სიგანესა და სიმაღლეში. რაც 20 მმ-ით გრძელი, 15მმ-ით განიერი და 5 მმ-ით მაღალია წინამორბედზე. შედეგად გაზრდილია სალონში სივრცე და 26 მმ-ით მეტი სივრცე აქვს მეორე რიგში სმხდომებს მუხლების არეში. ის ორი ვარიანტით გამოვა ევროპისთვის ოდნავ მოკლე, ხოლო აშშ -სამხრეთ კორეისთვის უფრო გრძელი.

რევოლუციურ ცვლილებებს ვხედავთ ინტერიერშიც, სადაც განთავსებულია 10,25 დიუიმიანი ვირტუალური მართვის პანელი და ცენტრალური კონსოლი, სადაც არ არის ღილაკები. მულტიმედიის ეკრანი ან 8 ან 10,25 დიუიმიანია.

მას ასევე აქვს უსაფრთხოების უჩვეულო ბალიშები, რომელიც მძღოლსა და წინა მგზავრს შორის იხსნება, ანალოგიურს ჩვენ ვხედავთ პრემიალურ ქროსოვერში Genesis GV80. უსაფრთხოების სისტემაში ჩართულია 7 ბალიში, აქვეა ვენტილაციის ფუქნციის წინა სავარძლები და უკანა სავარძლის გათბობის სისტემა. ბაზრიდან გამომდინარე მოდელი აღიჭურვება Bose ან  Krell აუდიოსისტემით.

მოდელისთვის საბაზისო ძრავად მიჩნეულია ბენზინის ტურბოოთხიანი 1,6 ლიტრიანი 150 ძალიანი ძრავითა და დიზელის CRDi Smartstream იმავე მოცულობის, რომელიც 115 ცხენის ძალას იძლევა. ორივე მათგანი დაწყვილებულია ექვსსაფეხურიან მექანიკურ გადაცემათა კოლოფთან. მათთვის ასევე ხელმისაწვდომია 48 ვოლტიანი ელექტროდამატება, ასეთ შემთხვევაში ჰიბრიდი 150 და 180 ცხენის ძალას იძლევიან, მათთვის კი განკუთვნილია ინოვაციური მექანიკა iMT, ასევე შვიდსაფეხურიანი რობოტი. ამძრაობა კი წინა ან სრულია.

აშშ-ისთვის განკუთვნილი ტოპ ვარიანტები კი მიიღებენ 190 ძალიან ბენზინის აგრეგატს 2,5 ლიტრის მოცულობით. სამხრეთ კორეისთვის მომზადებულია ორლიტრიანი 186 ძალიანი ვარიანტი და ორივე მათგანი დაწყვილებულია რვასაფეხურიან ავტომატთან. სამოდელო გამაში ხელმისაწვდომი იქნება 150 ცხენისძალიანი ატმოსფერული ძრავიც. 2021 წლიდან კი Tucson-ს შეემატება 265 ძალიანი ჰიბრიდი, ის გახდება ყველაზე მძლავრი მოედლი ხაზში.