ახალი Hyundai Elantra კარდინალურად შეიცვალა და პირველად გახდა ჰიბრიდული

მიუხედავად იმისა, რომ კორონავირუსის პირობებში მსოფლიო ავტოინდუსტრიას უმძიმესი დღეები უდგას, კარგი რამეებიც ხდება, კომპანიამ Hyundai ჰოლივუდში გამართულ სპეციალურ ღონისძიებაზე ახალი თაობის Elantra წარმოადგინა. მეშვიდე თაობის პოპულარული მოდელი სრულიად განსხვავებულია გარეგნულად და ამავდროულად, პირველად გახდა ჰიბრიდულიც.

ექსტერიერის დიზაინმა კარდინალური ცვლილება განიცადა, მან ახალი საფირმო სტილი Parametric Dynamics მოირგო, რომლის გვერდითა სამი ხაზი ერთიანდება ერთ წერტილში და აქვს მკვეთრი წახნაგები. ცხაურა კი სამგანზომილებიანია და პრაქტიკულად მთელ წინა ნაწილს იკავებს. ახალ არქიტექტურაზე გადასვლით სედანი უფრო გრძელიც გახდა, თუმცა მცირედით დადაბლდა. ახალი მოდელის ზომებია: 4676/1826/1435



Elantra-ს ინტერიერში გაჩნდა 10,25-იანი ორი ეკრანი: ერთი ვირტუალური სამუშაო პანელია, ხოლო მეორე – მულტიმედია სისტემა. თუმცა ასეთი ვერსია მხოლოდ ტოპვარიანტისთვისაა ხელმისაწვდომი, ხოლო უფრო მარტივ მოდელებში ჩამონტაჟებულია დიაგონალური დისპლეი 8 დიუმის სიგრძის. ორივე მათგანს აქვს Apple CarPlay და Android Auto სისტემის მხარდაჭერა. რა თქმა უნდა, ახალ მოდელში გაჩნდა ბევრი სხვადასხვა ოპცია – ზოგი სტანდარტულად, ზოგი კი დამატებითი.



რაც შეეხება ძალისმიერ ნაწილს, მისი არსებობის მანძილზე აქ პირველად ვხედავთ ჰიბრიდს. რა თქმა უნდა, გაყიდვაში იქნება წარმოდგენილი ბენზინის ვარიანტიც.

Hyundai Elantra-ს წარმოება შემოდგომაზე დაიწყება, გაყიდვები კი – მეოთხე კვარტალში.