პრემიერმა ბორის ჯონსონმა მიმართა 60-მდე კომპანიას თხოვნით, დაეხმარონ სიცოცხლისთვის საჭირო სამედიცინო მოწყობილობების წარმოებაში ქვეყნის ეროვნული ჯანდაცვის სისტემისთვის. ამასთან, კომპანიებს უფლება აქვთ, ჩაერთონ წარმოების ნებისმიერ პროცესში, პროექტირებაში, აწყობაში, ტესტირებასა და შესყიდვა–გადმოტვირთვაში. თავის მხრივ, ნაციონალური ჯანდაცვის სამსახური აცხადებს, რომ შეისყიდის იმდენ სავენტილაციო აპარატს, რამდენიც იქნება წარმოებული.
საავტომობილო ბრენდები უკვე რეაგირებენ ამ მიმართვაზე, ასე მაგალითად: Rolls-Royce და Jaguar Land Rover მზად არიან ნებისმიერი დახმარების აღმოჩენისთვის, Honda კი სამედიცინო ინვენტარის ნაწილის წარმოებას დაიწყებს. Ford კი თავის მხრივ, ჯერ აფასებს საკუთარი ბრიტანული ქარხნების შესაძლებლობებს.
როგორც ცნობილია, 2020 წლის 17 მარტის მდგომარეობით, ბრიტანეთში დარეგისტრირებულია კორონავირუსით დაინფიცირების 1543 შემთვევა, ხოლო პანდემიას 55 ადამიანის სიცოცხლე ემსხვერპლა.