Mercedes-Benz გამოყოფს 3D-პრინტერებს მედმოწყობილობების წარმოებისთვის

კომპანია Mercedes-Benz სამედიცინო ორგანიზაციებს მისცემს წვდომას სამრეწველო 3D-პრინტერებთან და დაეხმარება მათ საჭირო სამედიცინო კომპონენტების წარმოებაში, რომელიც აუცილებელია COVID-19 ვირუსით დაინფიცირებულთა მკურნალობისთვის.  კონცერნი მრავალმხრივ დახმარებას გაუწევს იმ ორგანიზაციებს, რომლებიც მას მიმართავენ და პირობას იძლევა, რომ ყველა საჭირო ახალი საჭიროებებს მოახმარს მთელს მის სიმძლავრეებს.

„ჩვენი კომპეტენციითა და გამოცდილებით მზად ვართ გვერდში დაგიდგეთ სამედიცინო მოწყობილობების წარმოებაში, უკვე ვარკვევთ სხვადასხვა ვარიანტებს ბადენ- ვიურტემბერგის ფედერალურ ხელისუფლებასთან და ველოდებით მოთხოვნებს კომპანიებისგან, რომლებიც დაკავებულნი არიან სამედიცინო-ტექნოლოგიურ სფეროში“ - განაცხადა Mercedes-Benz AG-ის მმართველთა საბჭოს წევრმა იორგ ბურზერმა.

მისივე თქმით  Mercedes-Benz ყოველწლიურად აწარმოებს 150,000  3D-პრინტერში ამობეჭდილ დეტალს პლასტიკისგან და მეტალისგან და მთელი ეს სიმძლავრე კომპანიას შეუძლია მედტექნიკის წარმოებაში გამოიყენოს.