მეორე Ferrari F50 სამ მილიონ დოლარად შეაფასეს
1995 წელს გამოცემული Ferrari F50 გასაყიდად არის გამოტანილი და ის 3 მილიონ დოლარად არის შეფასებული. ის არის მხოლოდ მეორე მოდელი სულ გამოცემული 349 ეგზემპლარიდან.
აღსანიშნავია, რომ ეს სუპერქარი 1995 წელს გამოუშვეს პირველად, თუმცა 1997 წელს უკვე კონვეიერიდან მოხსნეს. ეს იყო ორადგილიანი სუპერქარი მყარი, მოხსნადი სახურავით. ის აღჭურვილია 4,7 ლიტრიანი ატმოსფერული V12 ძრავით, რომელიც ფორმულა 1-ის ძრავის ბაზაზე შექმნეს.
გასაყიდად გამოტანილი ავტომობილი პირველად ფრანკფურტის საავტომობილო შოუზე 1995 წელს უჩვენეს. ამის შემდეგ მისი მფლობელი იყო გერმანიის მოქალაქე, რომელმაც ავტომობილს 2016 წელს ტექნიკური შემოწმება
ჩაუტარა და საწვავის ავზიც კი გამოუცვალა.
ავტომობილი ტრადიციულ წითელ Rosso Corsa ფერშია შეღებილი, სალონი კი შავია წითელი ჩანართებით. ავტომობილს მხოლოდ 5415 აქვს გარბენი, თუმცა ის ფოტოებზე ზუსტად ისე გამოიყურება, როგორც 21 წლის წინ, როცა ის დილერს მიართვეს. სწორედ ამიტომაა ის ასე ძვირად შეფასებული.