16ახალი თაობის Porsche 911 Turbo S-მა მიიღო ახალი ოპოზიტური ძრავი, აღჭურვილია ორი ტურბოკომპრესორით და სახეცვლილი გეომეტრიით, ასევე რამდენიმე ახალი დეტალი. ინჟინრებმა გადახედეს ჰაერის ნაკადის მიღების წერტილებსაც ახლა ის ოთხია და მათი მიმართულებაც შეცვლილია. შედეგად კი 3,8 ლიტრიანი ბიტურბირებული ძრავი 650 ცხენის ძალას ავითარებს, რაც 70 ცხენის ძალით მეტია, ვიდრე მის წინამორბედს ჰქონდა, ეს კი აბსოლუტური რეკორდია 911 Turbo და Turbo S-ის არსებობის მანძილზე.
გამოცემა Road and Track-თან ინტერვიუში ვალზიერმა განმარტა, რომ ასეთი მნიშვნელოვანი ზრდა სიმძლავრეში საჭირო იყო იმიტომ, რომ მძღოლმა რეალურად იგრძნოს სხვაობა. მისი თქმით, სიმძლავრის გაზრდა მხოლოდ 20 ან 30 ცხენის ძალით შესამჩნევ შედეგს ვერ მოიტანდა. გარდა ამისა, ინჟინერმა განმარტა, რომ 50-ით არის გაზრდილი ასევე მაბრუნი მომენტი და 800ნმ-ს აღწევს. შედეგი კი ნამდვილად შთამბეჭდავია. ავტომობილი 0-დან 100-მდე 2,7 წამში ჩქარდება, ხოლო 200-მდე - 8,9 წამში. მისი მაქსიმალური სიჩქარე 330 კმ/სთ-ია.
