ნიუ-იორკის საავტომობილო შოუ კორონავირუსის გამო გადაიდო

„ნიუ-იორკის მოტორ-შოუ“ გახდა კორონავირუსის მორიგი მსხვერპლი. ორგანიზატორების განცხადებით, ავტოშოუ გადავადდა და სრულად არ გაუქმებულა. ის დაგეგმილი აპრილის ბოლოს ნაცვლად, აგვისტოს ბოლოთვის გადაიდო. გამოფენის გამართვის ახალი თარიღია 28 აგვსიტო - 6 სექტემებრი.

ნიუ-იორკის გამოფენის ორგანიზატორები ჯერ კიდევ გუშინ ირწმუნებოდნენ, რომ ექსპოციზიცია ჩატარდებოდა და ორგანიზატორები უსაფრთხოების უმაღლეს ზომებს მიმართავდნენ, თუმცა როგორც ჩანს, პანდემიის გამოცხადებამ მათი გადაწყევტილება შეცვალა.

ნიუ-იორკის გამოფენა ერთ-ერთი უძველესია. ის 1900 წლიდან რეგულარულად იმართება და მხოლოდ მეორე მსოფლიო ომის დროს შეჩერდა. 

ეს არ არის პირველი შემთხვევა, როცა საავტომობილო ღონისძიებები უქმდება ინფექციის გავრცელების გამო. აქამდე მსგავსი საავტომობილო გამოფენების გამართვაზე უარი თქვეს ჟენევისა და პეკინის გამოფენებმაც.