კომპანია Land Rover მისთვის უცხო სეგმენტში შესასვლელად ემზადება. როგორც გამოცემა Which Car წერს, სიახლეს საფუძვლად დაედება Defender-ის მოდულური პლატფორმის დამოკლებული ვარიანტი, ხოლო მის მთავარ კონკურენტებად ბაზარზე მოიაზრებიან BMW X1 ან Mercedes-Benz GLA. წინასწარი მონაცემებით, ქროსოვერი მოირგებს ახალი Defender-ის დიზაინს და გამოვა მხოლოდ ხუთკარიანი ვერსიით, ძრავების გამაში კი – სამ და ოთხცილინდრიანი აგრეგატები. სავარაუდოდ, გამოჩნდება ჰიბრიდული ვარიანტიც. მისთვის გათვალისწინებულია წინა ამძრაობა, ხოლო სრული ამძრაობა ოპციის სახით გახდება ხელმისაწვდომი.
ცნობილია მისი საორიენტაციო ფასიც - 25 ათასი გირვანქა სტერლინგი, შედარებისთვის, Defender 90 დიდ ბრიტანეთში
40 ათასიდან ღირს. სავარაუდოდ, „ბეიბი დიფენდერის“ გამოჩენას 2021 წლისთვს უნდა ველოდოთ.