Lamborghini-მ სპორტქარზე მეტი ქროსოვერი გაყიდა

კომპანია Lamborghini-მ 2019 წელი შეაჯამა და გაყიდვების მაჩვენებელი ოფიციალურად გაავრცელა. როგორც ირკვევა, იტალიურ სუპერქარების მწარმოებელ კომპანიას 2019 წელს 8205 ავტომობილი აქვს გაყიდული, რაც წინა წლის მაჩვენებელს 43%-ით აღემატება. აქედან თითქმის 5 ათასი ქროსოვერი Urus-ია, რაც ნიშნავს, რომ ის დანარჩენ სხვა მოდელებს ერთად აღებულს, აღემატება.

საანგარიშო პერიოდის განმავლობაში კომპანიამ 1104 Lamborghini Aventador და 2139 – Lamborghini Huracan გაყიდა. 2020 წლიდან კომპანია ამ მოდელების ელექტროფიცირებულ ვარიანტებს გაყიდის.

 Automobili Lamborghini SpA-ს გაყიდვები ზედიზედ მეცხრე წელია იზრდება, ამასთან, კომპანიამ გასულ წელს გაყიდვები გაზარდა ერთდროულად რამდენიმე ქვეყანაში, მათ შორის ყველაზე მეტი ავტომობილი გაყიდეს აშშ-ში, სადაც რეალიზებულია 2374 ავტომობილი.