ამერიკამ წლის ავტომობილები დაასახელა

კონკურსის „ჩრდილოეთ ამერიკის წლის ავტომობილი“ ჟიურიმ, რომელიც ამერიკის კონტინენტის 50 ჟურნალისტისგან არის დაკომპლექტებული, გამარჯვებულები დაასახელა. კანადელმა და ამერიკელმა ჟურნალისტებმა გამარჯვებულები სამ კატეგორიაში – საუკეთესო მუსბუქი ავტომობილი, საუკეთესო ქროსოვერი და საუკეთესო პიკაპი – გამოავლინეს.

კონკურსი სამ ეტაპად ჩატარდა, ამასთან, პირველი ეტაპი 2019 წლის ივნისში დასრულდა. ჟიურის წევრები ავტომობილებს საკუთარ სეგმენტში ლიდერობიდან გამომდინარე აფასებდნენ, ასევე გათვალისწნიებული იყო მათი ინოვაციურობა, ინტერიერისა და ექსტერიერის დიზაინი, უსაფრთხოების დონე, სავალი ხარისხი და მფლობელების კმაყოფილება.

ჯამში, 30 პრეტენდენტიდან ყველა კლასში შეირჩა 3-3 ფინალისტი. შედეგად კი გამოვლინდნენ გამარჯვებულები. 

წლის 

მსუბუქი ავტომობილების კატეგორიაში გაიმარჯვა გასული წელს წარმოდგენილმა ახალი თაობის Chevrolet Corvette Stingray C8–მ, რომელმაც ხმების მიხედვით აჯობა Hyundai Sonata–სა და Toyota Supra-ს.

ქროსოვერების კატეგორიაში გაიმარჯვა რვაადგილიანმა Kia Telluride-მა. მეორე ადგილზე გავიდა Hyundai Palisade, ხოლო ბრინჯაო ერგო Lincoln Aviator-ს.

რაც შეეხება პიკაპების კატეგორიას, აქ ლიდერობა არავის დაუთმო Jeep Gladiator-მა. მან დაჯაბნა Ford Ranger და Ram Heavy Duty.