Bentley დაკარგული პოზიციების დაბრუნებას Mercedes-ზე შეტევით ცდილობს

კომპანია Bentley მისი აუხლესი მოდელის, Flying Spur ფლაგმანის სედანის მეშვეობით აპირებს დაიბრუნოს დაკარგული პოპულარობა და ლიდერობა ულტრამდიდრულ კლასში, სადაც ამ დროისთვის დომინანტად გვევლინება Mercedes-Benz S-class-ის მაღალი კლასის ვერსიები Maybach–ისა და AMG-გან. კომპანია აცხადებს, რომ მისი ავტომობილი ამ ორ მოდელზე უფრო იაფი, უფრო მძლავრი და უფრო მდიდრულია, შესაბამისად, მოუწოდებს კლიენტებს, მისი პროდუქციით დაინტერესდნენ.

12-ცილინდრიანი Flying Spur-ის მაქსიმალური სიმძლავრე 626 ცხენის ძალაა და 0-დან 100-მდე 3,8 წამში ჩქარდება, მისი პიკური მაჩვენებელი 33 კმ/სთ-ია. კომპანია სამომავლოდ გეგმავს V-8 და პლაგინჰიბრიდული ვარიანტების წარმოებასაც.

Bentley აცხადებს, რომ მისი ფლაგმანი 160,000 გირვანქა სტერლინგი (187,500 ევრო)  ღირს, მაშინ, როცა  V-12 ძრავიანი Mercedes-Maybach S650 – 183,245 გირვანქა, ხოლო, V-12 ძრავიანი Mercedes-AMG S65 – 189,405 გირვანქა სტერლინგი.

ფაქტები:

გაყიდვები: გლობალურად მისი გაყიდვები დაიწყება 2020 წლის პირველ კვარტალში

საბაზისო ფასი: 160,000 გირვანქა სტერლინგი

წარმოებულია: ქრიუ, ინგლისი

კონკურენტები: Mercedes-Maybach, Mercedes-AMG S65, Rolls-Royce Ghost