ჩინელებმა Tesla Model S-ზე სამჯერ უფრო იაფი ელექტროსედანი წარმოადგინეს

ჩინურმა სტარტაპმა Xiaopeng Motors ოფიციალურად გამოაცხადა ელექტრომობილ P7-ის გაყიდვების დაწყების შესახებ. 4880 მმ სიგრძის სედანი 266 სიმძლავრის ძრავითაა აღჭურვილი და ის მხოლოდ 240 ათასი იუანი ღირის, ეს კი ნიშნავს, რომ ამ სეგმენტის ლიდერ  Tesla Model S-ზე სამჯერ იაფია.

Xpeng P7-ის საბაზისო ვარიანტს ამძრაობა უკანა ბორბლებთან აქვს, ხოლო მისი ელემენტის სიმძლავრე 81 კვ/ს-ია, რომელიც მის 550 კმ მანძილზე სვლას უზრუნველყოფს. უკვე საბაზისო კომპლექტაციაშივე მიეწოდება მყიდველს უჩარჩო კარები, ძვირფასი მასალით შესრულებული ინტერიერი, ვირტუალური სამუშაო პანელი 10,25 დიუიმიანი ეკრანით და მულტიმედიასისტემა 14,97 დიუიმიანი ეკრანით, 

რომლის მართვაც თაჩპედითაც არის შესაძლებელი. გარდა ამისა, ის აღჭურვილია მესამე დონის ავტოპილოტით, ავტომაური პარკინგის სისტემითა და მაგისტრალებზე დამოუკიდებლად მარვის ფუნქციით.

დინამიკური მახასიათებლებით და ფასით მის კონკურენტად ითვლება ადგილობრივი წარმოების Tesla Model 3, რომელიც 356 ათასი იუანი ღირს. საბაზისო ამერიკული სედანი 200 მმ-ით მოკლეა და 100 კმ-ით ნაკლებს გადის ერთჯერადად.

მათვის, ვისაც 550 კმ დაფარვის მანძილი ეცოტავება, Xpeng Motors უფრო მძლავრ ელემენტიან ვარიანტს სტავაზობს, რომელიც 650 კმ მანძილის მარაგით არის გამორჩეული. მისი ტექნიკური მახასიათებლები ჯერ არ გაუსაჯაროებიათ, თუმცა ცნობილია, რომ ფასი იზრდება 30 ათასი იუანით.

Xpeng-ი ავტომობილების მიწოდებას 2020 წლის მეორე კვარტალში აპირებს. სტარტაპი ამ მოდელზე დიდ იმედებს ამყარებს, ვინაიდან მათმა პირველმა მოდელმა ქროსოვერმა G3 ორ წელიწადში მხოლოდ 15 ათასი მყიდველი იპოვა..

ავტორი: autobild.ge